তুহিনাদ্রেরিব নক্তমোষধিঃ॥ ৫৪

ইদমুচ্ছ্বসিতালকং মুখং

তব বিশ্রান্তকথং দুনোতি মাম্‌।

নিশি সুপ্তমিবৈকপঙ্কজং

বিরতাভ্যন্তরষট্‌পদস্বনম্‌॥ ৫৫

শশিনং পুনরেতি শর্বরী

দয়িতা দ্বন্দ্বচরং পতত্রিণম্‌।

ইতি তৌ বিরহান্তরক্ষমৌ

কথমত্যন্তগতা ন মাং দহেঃ॥ ৫৬

নবপল্লবসংস্তরেহপি তে

মৃদু দূয়েত যদঙ্গমর্পিতম্‌।

তদিদং বিষহিষ্যতে কথং

বদ বামোরু চিতাধিরোহণম্‌॥ ৫৭

ইয়মপ্রতিবোধশায়িনীং

রশনা ত্বাং প্রথমা রহঃসখী।

গতিবিভ্রমসাদনীরবা

ন শুচা নানুমৃতেব লক্ষ্যতে॥ ৫৮

সমদুঃখসুখঃ সখীজনঃ

প্রতিপচ্চন্দ্রনিভোহয়মাত্মজঃ।

অহমেকরসস্তথাপি তে

ব্যবসায়ঃ প্রতিপত্তিনিষ্ঠুরঃ॥ ৬৫

ধৃতিরস্তমিতা রতিশ্চ্যুতা

বিরতং গেয়মৃতুর্নিরুৎসবঃ।

গতমাভরণপ্রয়োজনং

পরিশূন্যং শয়নীয়মদ্য মে॥ ৬৬